Britaniya ordusunun rəhbəri: Gənclər döyüşməyə hazır olmalıdır

Böyük Britaniya Silahlı Qüvvələrinin rəhbəri, Hərbi Hava Qüvvələrinin marşalı Ser Riçard Nayton Rusiyadan gələn təhdidlərin artması fonunda ölkə gənclərinin – həm oğlanların, həm də qızların – mümkün müharibəyə hazır olmalı olduqları barədə ciddi xəbərdarlıq edib.

Marşal Nayton bildirib ki, dövlət gələcəkdə yarana biləcək münaqişə riskləri barədə ailələrə qarşı dürüst olmalıdır.

Onun sözlərinə görə, ölkə təkcə peşəkar ordudan asılı qalmamalı, bütün cəmiyyət real fədakarlıqlar ehtimalına və milli müdafiəyə hazır vəziyyətə gətirilməlidir.

Bu açıqlama Avropada təhlükəsizlik mühitinin kəskin şəkildə dəyişməsi və NATO müttəfiqlərinin müdafiə qabiliyyətini artırmaq çağırışları fonunda verilib.