ABŞ Green Card lotereyasını dayandırdı

ABŞ-ın Daxili Təhlükəsizlik Naziri Kristi Noem, Prezident Donald Trampın göstərişi ilə "Diversity Visa" (Green Card) proqramının dayandırıldığını elan edib.

Bu kəskin qərar, ABŞ-da baş verən silsilə silahlı hücumların şübhəlisi olan 48 yaşlı Portuqaliya vətəndaşı Klaudio Neves Valentenin "Green Card" sahibi olduğunun üzə çıxmasından sonra qəbul edilib.

Şübhəli şəxs Massaçusets Texnologiya İnstitutunun (MIT) tanınmış fizik-professoru Nuno Loureironu qətlə yetirməkdə və Braun Universitetində iki tələbənin ölümü, doqquz nəfərin yaralanması ilə nəticələnən atışmanı törətməkdə ittiham olunurdu.

Məlumata görə, qatil ABŞ-a 2000-ci ildə tələbə vizası ilə gəlib, 2017-ci ildə isə "Green Card" lotereyasında qalib gələrək ölkədə daimi yaşamaq hüququ qazanıb.

 Kristi Noem bildirib ki, proqramın dayandırılması amerikalıların təhlükəsizliyini qorumaq məqsədi daşıyır və "bu cür şəxslərin ölkəyə daxil olmasına bir daha imkan verilməməlidir".