Azərbaycan İrandakı səfirliyini bərpa edib

Azərbaycan İrandakı səfirliyini bərpa edib

 Azərbaycan Xarici İşlər Nazirliyi aprelin 12-də İrandakı səfirliyinin fəaliyyətini bərpa etdiyini açıqlayıb.

 Rəsmi açıqlamaya görə, səfirlik əvvəlcə məhdud heyətlə – səfirlə yanaşı az sayda diplomatik və inzibati heyətlə fəaliyyət göstərəcək.

 Təhlükəsizlik və təşkilati narahatlıqlar nəzərə alınaraq, fəaliyyətin mərhələli şəkildə genişləndirilməsi planlaşdırılır.

 XİN bildirib ki, səfirliyin fəaliyyətinin bərpası hərbi əməliyyatların dayandırılmasından və iki həftəlik atəşkəs elan edilməsindən qısa müddət sonra baş verib.

 Bu addım Azərbaycanın İranla münasibətlərə verdiyi xüsusi əhəmiyyətin göstəricisi kimi qiymətləndirilir.

 Azərbaycan bölgədə davamlı sülh və sabitliyin təmin olunmasına yönəlmiş təşəbbüslərə dəstəyini bir daha təsdiqləyib.