Bakı Metropoliteninin yığılmış zərəri 3 milyard manatı keçib

 “Bakı Metropoliteni” QSC 2024-cü ilin maliyyə nəticələrini açıqlayıb. Hesabata görə, qurumun illik xalis zərəri əvvəlki illə müqayisədə 82,3% artaraq 103,4 milyon manata çatıb.

 Bu artımla bərabər, metropolitenin fəaliyyəti dövründə yığılmış ümumi zərəri ilk dəfə olaraq 3 milyard manatlıq psixoloji həddi aşaraq 3 milyard 73,4 milyon manat təşkil edib.

 Ötən il ərzində qurumun sərnişindaşımadan əldə etdiyi gəlirlər 11,4% artsa da, xərclərin kəskin çoxalması ümumi maliyyə göstəricilərinə mənfi təsir göstərib. Dövlət büdcəsindən ayrılan subsidiyalar isə zərərin tam bağlanmasına kifayət etməyib.