Prezident İlham Əliyevdən mühüm paylaşım: 2026-cı il Şəhərsalma və Memarlıq İli elan olundu

 Azərbaycan Respublikasının Prezidenti İlham Əliyev rəsmi sosial şəbəkə hesablarında 2026-cı ilin ölkəmizdə “Şəhərsalma və Memarlıq İli” elan edilməsi ilə bağlı paylaşım edib.

Bu qərarın qəbul edilməsində əsas məqsəd ölkə ərazisində, xüsusilə işğaldan azad edilmiş torpaqlarda həyata keçirilən müasir şəhərsalma layihələrini təşviq etmək və Azərbaycanın zəngin memarlıq ənənələrini qoruyub saxlamaqdır.

Xatırladaq ki, 2026-cı ildə Bakı şəhəri dünyanın ən mötəbər tədbirlərindən biri olan Ümumdünya Şəhərsalma Forumuna (WUF13) ev sahibliyi edəcək. "Şəhərsalma İli" çərçivəsində ölkə daxilində silsilə beynəlxalq konfranslar, sərgi və memarlıq müsabiqələrinin keçirilməsi planlaşdırılır.

Dövlət başçısının bu təşəbbüsü Azərbaycanın "Ağıllı şəhər" və "Ağıllı kənd" konsepsiyalarını daha da genişləndirməyə və milli memarlıq üslubunu müasir dünya standartları ilə sintez etməyə imkan verəcək.